/p. 270/ directae sunt, per quas facilis est vomitio.
Sed – ut ingenue fatear ebrietati de vitae
meae longitudine non fiderem. Nam, quemadmodum
calx, ad arboris radicem conspersa,
fructum accelerat, arborem vero perimit, ita
vinum et calida omnia alimenta, suscitato calore,
spiritus facultatesque erigunt, mortem
vero maturant, dum enim corporis calorem
adaugent, substantiam imminuunt dumque
innati calidi spiritus et calor halitu fovetur,
eius substantiam, quae humidum est primigenium,
dissipat exsorbetque, quare vitam
faciunt alacriorem ac vegetiorem, sed breviorem
tamen.
DIALOGUS XLIV.
De visione.
Alex –
Iam satis multa de hominis generatione
et incremento diximus,
imo ea omnia subtilissime explicuisti.
Nunc te rogito, ut de hominis
sensibus, qui et brutis competunt,
aliquid edoceas. I. C. – Non recuso. Alex –
Cum pene omnes Philosophi dicant elementa
esse sensuum effectricia, cuinam eorum visum
adscribemus? I. C. – Plato quidem et Galenus
attribuunt igni. Alex. – Quam ob causam?
Indice
|
Pagine introduttive |
|
LIBER PRIMUS De Coelo et Aere |
|
LIBER SECUNDUS De Aqua et Terra |
|
LIBER TERTIUS De Animalium Generatione et Affectibus quibusdam |
|
LIBER QUARTUS SUBTILISSIMUS De Religione Ethnicorum |